Эмиль Насритдинов, Директор жана тең негиздөөчү

Эмил Насритдинов – Борбордук Азиядагы Америкалык университетинин Антропология, Шаар таануу жана Эл аралык өнүгүү программасынын доцентти. Ал Австралиянын Мельбурн университетинен Шаар пландаштыруу боюнча PhD даражасын алган. Анын негизги изилдөө жана окутуу багыттары миграция, дин жана шаар таануу. Шаар турмушуна байланыштуу анын изилдөө темаларына көчө жаштарынын маданияты, жашыл аянттар, дарыялар, турак жай конуштары жана башка маселелер кирет. Архитектура жана шаар пландаштыруу боюнча алган баштапкы билими жана антропологияны 15 жыл окуткан тажрыйбасы ага шаардык изилдөө долбоорлорунда техникалык жана этнографиялык ыкмаларды айкалыштырууга жардам берет.

 

 

Сет Феари, Тең негиздөөчү

Сет Феари БААУнун ага окутуучусу. Ал шаардык пландаштыруу жана өнүгүү боюнча курстарды окутат жана Экологиялык жана шаардык туруктуулук адистигинин тең жетекчиси болуп эсептелет. Сет ошондой эле БААУдагы экологиялык туруктуулук боюнча жумушчу топтун тең жетекчиси. Сет жеке, мамлекеттик, социалдык жана академиялык секторлордо иштеген. Ал Калифорниянын Кремний өрөөнүндө жогорку технологиялык тармакта жана экономикалык өнүктүрүү багытында 30 жыл иштеген. Ал Интернеттин алгачкы жактоочуларынын бири болуп, жумуш орундарын түзүү жана жашоо сапатын жакшыртуу үчүн интернетти пайдалануу боюнча пландарды иштеп чыгууга жамааттарга жардам берүү максатында бейөкмөт уюм жана консалтингдик ишкана түзгөн. Сет 2000-жылдардын ортосунда Joint Venture Silicon Valley Network уюмунда операциялар боюнча башкы директор болуп иштеген. Ал жакта Сет Климаттын өзгөрүшү боюнча демилгени жетектеп, Кремний өрөөнүндө кайра жаралуучу энергия тармагынын кластерин түзүү программасын иштеп чыккан. Сет 2009-жылы АКШнын Тынчтык Корпусунун Кыргызстандагы Башкаруу жана операциялар боюнча директору, кийинчерээк Өлкө боюнча директору кызматын аркалоо үчүн Кыргызстанга келген. Сет Лос-Анжелестеги Occidental колледжинен Психология жана Саясат таануу боюнча бакалавр даражасына, ошондой эле Сан-Францискодагу Стэнфорд университетинен MBA даражасына ээ. Ал Бишкектеги KG Labs уюмунун Көзөмөл кеңешинин төрагасы болуп саналат.

 

 

Шамиль Ибрагимов, Тең негиздөөчү

Шамил Ибрагимов «Сорос Кыргызстан» фондунун аткаруучу директору. Бишкекте жайгашып, ал «Сорос Кыргызстан» фондунун программаларынын ишке ашырылышын, адвокациясын, гранттык ишин жана изилдөөлөрүн жетектейт. Ачык коом фонддоруна кошулуудан мурда, Ибрагимов Борбор Азиядагы Евразия фондунун аткаруучу директору болуп иштеп, бул аймактагы долбоорлорду башкарган алдыңкы уюмду жетектеген. Шамил маалыматка негизделген башкаруу, шаардык өнүгүү, жарандык катышуу боюнча бир нече басылмалардын автору жана 2010-жылы жарык көргөн киреше түзүү боюнча колдонмонун тең автору. Ошондой эле Шамил 2014-жылы негизделген IlimTech Lab бейөкмөт уюмунун негиздөөчүсү. Уюмдун миссиясы балдарды илим жана технологияга окутуу, билим берүү процессинин жүрөгүндө предметтер менен катар көндүмдөрдү да жайгаштыруу. Ал Борбордук Евразиянын Лидерлик Альянсынын мүчөсү, Кыргыз-Америка фондунун башкармалыгынын мүчөсү жана Кыргызстандын Электрондук соода ассоциациясынын башкармалыгынын мүчөсү. Ибрагимов Гарвард университетинин Кеннеди мамлекеттик башкаруу мектебинин бүтүрүүчүсү. Ал Эдвард С. Мейсон стипендиаты, Мэри жана Дэвид Бойес стипендиясынын ээси жана Фулбрайт стипендиаты.

 

 

Жамиля Байбориева, Программалык координатору

Жамилия Байбориева – шаардык дизайнер жана ландшафттык архитектор. Ал Түркиянын Анкара шаарындагы Ихсан Дограмажы Билкент университетин «Magna Cum Laude» даражасы менен бүтүргөн. Бакалавр даражасынан кийин Архитектура боюнча магистр даражасын алып, магистрдик диссертациясын «Критикалык регионализм жана кыргыз архитектурасынын архитектуралык өзгөчөлүгү» темасында жазган. Ал шаардык дизайн жана ландшафттык архитектура боюнча бир катар стажировкаларды өткөн. Азыркы учурда Борбор Азия Америкалык Университетинин ассистент-профессору болуп иштейт жана «Sonun Urban Design» ландшафттык дизайн компаниясын жетектейт.

 

 

Медер Ахметов архитектор, аналитик, искусство куратору

Медер Ахметов – Museum Studioнун кесипкөй архитектору.. Ал Германиянын Дессау шаарынан архитектура боюнча магистр даражасын алган. Медер Борбор Азия Америкалык Университетинде жана Кыргыз Мамлекеттик Курулуш, Транспорт жана Архитектура университетинде архитектура жана дизайн сабактарын окутат. Ал дизайн боюнча мастер-класстарды жетектейт жана искусство көргөзмөлөрүн кураторлук кылат. SILKтеги анын негизги долбоору “Бишкектеги коомдук искусство”. Мындан тышкары, ал SILKке ар кандай изилдөө жана коомдук долбоорлор үчүн архитектуралык жана ландшафттык дизайндар менен жардам берет.

 

 

Отабек Нигматов, Программалык координатор

Отабек Нигматов Борбордук Азиядагы Америкалык университетинин Антропология, Шаар таануу жана Эл аралык өнүгүү кафедрасынын магистранты. Отабек Бишкектеги шаардык пландаштыруу долбоорлорунун ишке ашырылышынын институционалдык аспектилери боюнча магистрдик диссертация жазып жатат жана бир катар башка изилдөө долбоорлоруна да катышууда: жөө жүрүүгө ылайыктуулук, социалдык капитал, жашыл аянттар жана Бишкектеги дарыялар боюнча. Отабек түпкү теги боюнча Өзбекстандын Бухара шаарынан. БААУга жана SILKке кошулуудан мурда ал Борбор Азия Эл аралык Университетинде Эл аралык мамилелер жана Конфликт таануу адистиги боюнча бакалавр даражасын алган.

 

Айбике Эсенгулова, Социалдык инновациялар боюнча координатор

Айбийке Эсенгулова 2016-жылы Швейцариянын Женева шаарындагы Эл аралык өнүгүү изилдөөлөрү институтунан Өнүгүү саясаты жана практикалары боюнча аткаруучулук магистр даражасын алган. Ал Казакстан жана Кыргызстанда Туруктуу энергетикалык көрсөткүчтөр боюнча келишимдерди (EPC) ишке ашыруудагы саясаттык чакырыктар жана ийгиликтин негизги факторлору боюнча изилдөө жүргүзгөн. 2012-жылдан тартып Эл аралык бизнес кеңешиндеги Туруктуу өнүгүү жана ККЖ комитетинин төрага орун басары болуп иштеп, өкмөт деңгээлиндеги 20дан ашык конференция жана иш-чара өткөргөн. Ошондой эле ал Кыргыз Республикасынын Туруктуу өнүгүү стратегиясын (2013–2017) даярдоо боюнча кеңеш берүүчү топтун курамына кирген. Мындан тышкары, ал Бириккен Улуттар Уюмунун Туруктуу өнүгүү максаттарын (SDGs) колдоо үчүн «Адамдар үчүн» Мамлекеттик-жеке өнөктөштүктөрдү (PPP) ишке киргизүүгө багытталган Европа Экономикалык комиссиясынын Инновация, атаандаштыкка жөндөмдүүлүк жана Мамлекеттик-жеке өнөктөштүктөр боюнча комитетинин адистери тобунун мүчөсү болгон. Бүгүнкү күндө Business Innovation Group жана Social Innovation Lab Kyrgyzstan атынан туруктуу жана социалдык инновациялар жаатында кеңеш берет, долбоорлорду башкарат жана менторлук колдоо көрсөтөт.